天水圍 T Town South｜「唔Take嘢超級營」快閃抗毒攤位遊戲

活動簡介

「唔Take嘢超級營」快閃抗毒攤位遊戲新地點解鎖！今個星期六就登陸天水圍T Town，誠邀各位家長帶埋小朋友一齊參與，寓學習於遊戲之中，過一個充實又有意義嘅親子週末，仲可以帶豐富精美紀念品返屋企。

攤位設有三個遊戲，參加者可以化身成人生「守護隊」隊員，學識分辨健康生活習慣同危險毒品陷阱，學識拒絕毒品，同埋學識平衡生活嘅良好習慣。完成挑戰後，仲可以升級做「禁毒先鋒」，獲得精美紀念品。

呢個暑假，禁毒處仲有另外一個遊走各區嘅活動畀大家參與㗎！由即日至2026年8月14日，「尋找冬冬希希大任務」有獎遊戲繼續邀請大、小朋友一齊走遍港九新界，搵出禁毒大使冬冬、希希主題立體郵筒！只要同立體郵筒合照「打卡」，再inbox返啲相畀我哋，就有機會贏到豐富獎品！一張打卡合照都可以換獎品！即睇「打卡」攻略同遊戲條款細則：bit.ly/cityhunt_TnC

畀個貼士大家，T Town附近嘅天水圍天慈商場外就有一個立體郵筒啦！！唔單止係咁，只要大家喺今個星期六嘅T Town快閃抗毒攤位展示你同禁毒大使冬冬、希希主題立體郵筒嘅合照，仲可以即場額外拎多份紀念品！今個星期六，一於捉緊暑假嘅尾巴，全家總動員嚟天水圍玩攤位遊戲、搵冬冬、希希打卡、「一齊企硬 唔take嘢！」～